നൃത്ത പരിശീലനത്തിടെ 19കാരൻ ഹൃദയാഘാതത്തെ തുടർന്ന് മരിച്ചു. ഗുജറാത്തിലെ ജാംനഗറിലാണ് സംഭവം. ഗർബ കളിക്കുന്നതിനിടെയാണ് വിനിത് മെഹുൽഭായ് വീണത്. ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
നൃത്ത പ്രേമിയായ വിനീത് വരുന്ന നവരാത്രി ഉത്സവത്തിനുള്ള തയാറെടുപ്പിലാരുന്നു. ഉത്സവത്തിന് അവതരിപ്പിക്കാൻ പട്ടേൽ പാർക്ക് പ്രദേശത്തുള്ള ഗർബ ക്ലാസിൽ പരിശീലനം ചെയ്യുന്നതിനിടെയാണ് സംഭവം.
ആദ്യ റൗണ്ട് പരിശീലനം പൂർത്തിയാക്കിയ ശേഷം അപ്രതീക്ഷിതമായി വിനിത് നിലത്ത് വീണു. അടുത്തുള്ള സ്വകാര്യ ആശുപത്രിയിൽ ആദ്യം എത്തിച്ചെങ്കിലും പിന്നീട് ജിജി ഹോസ്പിറ്റലിലേക്ക് വിനിതിനെ കൊണ്ടുപോയി.
ആശുപത്രിയിൽ പ്രവേശിപ്പിച്ചപ്പോൾ മരണം സംഭവിച്ചിരുന്നു. എന്നാൽ കുട്ടിയ്ക്ക് മറ്റ് രോഗങ്ങൾ ഒന്നുംതന്നെ ഉണ്ടായിരുന്നില്ലെന്ന് കുടുംബാംഗം പറഞ്ഞു.
